Cibri chegando

cibri chegando

Nos dous meses que traballei en Curtocircuíto ía pola casa da miña compañeira Andrea para facer un cacho do camiño ao choio xuntos. Ela empezou a gravarme chegando cada día e subilo ao seu Instagram e á xente gustoulle ver a nosa vida en directo quince segundos pola mañá. O motivo non o sei. Ao final o asunto fóisenos un pouco das mans e acabamos tratándoo como se fose unha webserie, e temos un cartel moi guai que fixo Sara Iglesias, e tamén unha páxina de Facebook para a que acabo de gravar un saúdo felicitando as festas.

Digo que se nos foi un pouco das mans porque chegou a pararme xente que non coñecía para pedirme que chegase. É desconcertante. Fáiseme raro ser o centro de atención e ver a miña cara tantas veces cando nin sequera sei moi ben como usar Instagram (Andrea si que é máis influencer). Dáme algo de vergonza sequera dicir que existe porque me sinto como se pedise que miredes para min. Pero bueno, a min gústame vela así que como mínimo podo explicar os motivos. Un é que é un recordo bonito. De traballar o que máis me gusta é, normalmente, non traballar, que é a parte máis humana, e isto é iso. Se algún día non había vídeo probablemente era que non tiñamos tempo para facelo porque non daban as horas, así que estes saúdos véxoos un pouco como o reverso ou o límite do choio (que xa se gravou doutra maneira en moitas películas). Outro é que é un rexistro dunha cousa que nunca se me ocorrería rexistrar da miña vida, e tenme a gracia das películas caseiras, que teñen un punto que non se entende de todo pero son agradables de mirar e son, en xeral, verdade (pero non verdade de todo). Por iso mesmo, tamén me gusta (e me dá medo) que a vida poida converterse nun produto (ou máis ben nunha obra?) audiovisual. Non fai falta practicamente nada, e menos agora. Se queredes velo, está aquí debaixo.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s